رواّية اليـوم :)

سلاّم ببدا برواية> مع اني ما اعرف الى الهبال ببس نجرب =))



وابي من كل جزء ردووود ولا موب مكملة

ابطال قصتي
مشاعل : عمرها 20 تدرس بالجامعه قسم فنون جميله (رسامه)خخخخخ
طولها 168 -- وزنها 55 --- شعرها طويل مدرج قاصه فراوله لوووول
بني اللون وعيونها عسليه جميله فيها من البراءه مايكفي لنشر السلام للعالم
مملوحه وناعمه وطيووووبه وخفيفه دم بس انها عصبيه ودلوعه ولازم رغباتها تتنفذ
مغروره فيها ميزه انها عنيده مره يعني ماتترك شي ببالها لما تسويه
00000
ابو مشاعل : مقتدر ماديا مظطر دائما لتنفيذ رغبات ابنته الوحيده التي لاتنتهي
متزوج من 3 نساء
الاولى: ام مشعل عندها مشعل وسعود
الثانيه: ام مشاعل وهي متوفيه ولم تنجب الا مشاعل
الثالثه: ام سلطان عندها سلطان وفهد وفيصل
-----------------------
في الجامعه
مشاعل: اليوم طالع قمر في طلتك ياسلام حلاك غير البشر واخذت ياساره مشي الغراب
نوهى: غراب في عينك ياوجه الفقمه
مشاعل: ياااااااااااااااي الفاظك بذيئه ونابيه
نوهى: تكفين تاركه الادب لك
مشاعل: ادب والا نحو
نوهى: اقول وش رايك اليوم نطلع نتعشى برا
مشاعل: لالا اليوم انا معزومه على دي جي
نوهى: ياسلااام ليش ماعزمتيني
مشاعل:معي كرت لك بس اذا ماارح تجين خليني اعطيه فهده ترى متجننه تبي تروح معاااي
نوهى: لالا لاتفكري احد يروح معاك غيري المهم مين الي عازمك
مشاعل: بنت عمي الجوهره
نوهى: ايش راح تلبسي
مشاعل: خيشه
نوهى: يله عاد بلا استهبال
مشاعل: مااعرف بفكر
فهده: ايش ايش ايش اسمع طاري حفله ولبس انا معزومه طبعا
نوهى: انا مالي شغل ميشو هي الي عزمتني
مشاعل: سوير يالفضيحه ::
فهده: خلصوا بس وعطوني كرتي بسرعه عندي محاظره
مشاعل: اوكي برسله لك مع سواقي اليوم العصر علشان تلحقي تلبسي لان الدي جي اليوم
فهده: والله انك صديقه صح يمكن احد يحن علي ويخطبني
مشاعل وساره:ههههههههههههههههههههههههه
مشاعل : يله سويره وفهده انا بروح عندي محاظره
نوهى وفهده: اوكي بااااااااااي
مشاعل : باي تيك كير
نوهى وفهده: اوكي
فهده : ماشالله على ميشو ياليتني ربع جمالها كان الخطاب نمل عند بابنا
نوهى: اعوذ بالله منك قولي ماشالله لو البنت جاها شي راح اخذ منك
فهده: يؤؤؤؤؤ ترى عيني بارده






نوهى: طيب انقلعي واصحي اليوم يكون الميك اب اوفر تصيري كانك مهرج

شكلههآآ حلوهه ذي الروآيهه
آعجبتني مشآععل
و ي ليت تنزلين البارت الثآآني الحين وتطولينه

الجزء الثاني

فهده: وش اسوي ابي اصير بيضاء

نوهى : هههههههههههههه

------
في بيت ام سلطان

في الصاله جالسه ام سلطان يرن التلفون الاتصال داخلي من المطبخ

ام سلطان: ايوة

الطباخ سمير: صباح الخير يامدام

ام سلطان : نعم

سمير: عاوزين ع الغداء ايه النهار ده

ام سلطان : سلطه سيزر و سلطه يونانيه وشوربه ذره

سمير : حاضر يامدام دي المقبلات عاوزه حضرتك ايه الوقبه الرئيسيه

ام سلطان: مكرونه بشاميل و اسكالوب و فهيتا دجاج

سمير : حاضر يامدام بس لامواخزه المودمزيل مشاعل اعملها ايه ع الغداء

ام سلطان: بتاكل معنا واذا ماعجبها الاكل تاكل برا والله مابقا الى هذي بعد نعمل
حسابها
ع الاكل

سمير : اوكي الي تشوفيه يامدام وعاوزين تشربوا ايه يامدام

ام سلطان : اووووووووه ياكثر اسئلتك زي كل يوم

سمير : اوكي

سمير بعد مااقفل الخط

سمير : ايه ده الست دي مقنونه وعصبيه بتشخط كده ليه هوا انا خدام عندها دنا
بشتغل

عند ابو مشعل ده راقل طيب مايعرفش العأربه الي متقوزها ياحبه عيني يامشاعل محدش

غلبان ومظلوم ومتلعوز في البيت ده الا هي

---------------------------------
في بيت فهده صاحبه مشاعل

ام فهده: الله يغربل هالبنت اموت واعرف ليش تقفل حجرتها يعلها الماحي الي يمحاها

الله يقنزعها بقنزعها متى يجيها رجل ويفكني منها ويظفها هذي بلوى مدري من الي

داعي علي ياربي انا ماظلمت احد ولا سويت لاحد شي علشان يبلاني بها مير انشالله

تكفير

فهده: ياربيه توني جايه من الجامعه وانتي تدعين
::
ام فهده: ياوسيعه الوجه وراتس تقفلين حجرتس هاه وش انتي موزيه

فهده: يوووه يمه عندي اسرار مثل كل البنات كل صديقاتي يقفلون غرفهم اش معنى انا

ام فهده: بنين بزع يمال الفهاق واذا طبوا الناس في النار نطبين معهم

فهده: نار علشان قفلت غرفتي خذي هذا المفتاح وفتشي على كيفك

ام فهده : اشوه هاتيه

فهده: يمه هالدرجه ماعندك ثقه فيني

ام فهده: البنت مالها الا الدقم والشكم

فهده: اجل ترى صديقتي بتمرني اليوم بنروح لحفله

ام فهده: ياربيه راسي الضغط هالبيت بتموتني اكيد

فهده: جاك العلم يله انا بنام لي شوي قبل اروح للصالون

ام فهده : يعلها النومه الي مابعدها قومه -وش هالام-

------------------------------
مشاعل في السياره في الطريق للبيت

عند الاشاره جنبها واحد ياشر لها علشان تفتح البلوتوث

مشاعل : بعد بعد مابقى الي هذا الشين القروي لا وسيارته كامري وجاي يرقم اوكي انا
اوريك
فتحت الشباك

مشاعل: انت

الولد: هلا بالقمر ماصدق انك تكلميني

مشاعل: ماتبي رقمي

الولد: ياليت تتكرمين علي لو بربع الرقم

مشاعل : طيب تعال اعطيك الرقم

الولد: من عيوني

نزل الولد ركض لان الاشاره فتحت وكان صوت البواري مزعج كل واحد يبي يرجع لبيته

الولد بعد ماوصل للشباك : ياقمر الرقم لو تكر..
\
بس ماكمل كلامه لان جاه كوفي حارره على وجهه

مشاعل: هذا درس لك علشان ماتتعلى على اسيادك

-------------------------------------
في بيت نوهى
نوهى:ماما ماما :

ام نوهى:هلا حبيبتي

نوهى:ماما ترني معزومه اليوم ع دي جي

ام نوهى:اوكي حبيبتي بس مين الي عازمك؟؟

نوهى:ميشوو هذا دي جي بنت عمها

ام نوهى:ماينع اجي ههههههههههههه

نوهى:الا ينفع الله يحييك بس اخاف تغطين ع البنات

ام نوهى:اوكي حبيبتي روحي بس لاتتأخرين واذا جا السواق يرجعك خذي الخدامه معاك :

نوهى:لاياماما بخليه ينتضر

ام نوهى:حرام عليك خليه يرجع واذا بغيتيه دقي عليه

نوهى:طيب يله بروح انام

ام نوهى:وانا بطلع العصر ترا والليل انا معزومه اوكي
نوهى: اوكي

-----------------------------------
مشاعل بطلتنا بما ان امها ميته عاشت مع ام سلطان الي لها وجهين

خلص الجزء الثاني

ما فية رد

اذا كان ابو مشاعل موجود تكون طيبه واذا انفردت بمشاعل طلعت مخالبهاتقهر

في بيت ام سلطان مشاعل رجعت من الجامعه وفي الصاله بالتحديد

مشاعل: اهلين ام سلطان

ام سلطان بدون نفس: هلا

مشاعل: وين سوسو وفوفو و فيفي

ام سلطان: قطاوه عندك عيالي اظن عيالي لهم اسماء ومحد قال لك تدلعيهم اولادي
رجال
لما تتزوجي وتجيبي عيال دلعيهم زي ماتبي اوكي

مشاعل : ههههههه ضحكه بدون نفس يالله ياام سلطان احس انك تتكلمي عن رجال فوق 40



ترى اكبر واحد فيهم عمره 15 لاتكبري الامور

ام سلطان: اظن هذولا عيالي وانا حره فيهم

مشاعل: المهم ايش الغداء اليوم

ام سلطان : كان تغديتي برا الغداء اليوم مايعجبك

مشاعل: اها كويس اصلا انا تغديت قبل اجي وكنت ببلغك انك ماتعملوا حسابي على الغداء
ام سلطان : احسن توفرين

ابو مشعل: السلام عليكم

ام سلطان ومشاعل: عليكم السلام

ابو مشعل: وانا اقول هالنور وش منه انتي هنا يامشاعل

ام سلطان في نفسها : قول لمبه بدون فيش

مشاعل : شكرا يابابا النور نورك ياقلبي ونور خالتي ام سلطان

ابو مشعل: الله يخليك لي طول عمرك لسانك شهد

ام سلطان في نفسها : الا سم

ابو مشعل : وش في الحلوه الاموره ام سوسو زعلانه وساكته

ام سلطان: ابد يابو مشعل بس افكر في مشاعل ضايق صدري انها متغديه

برا مدري ايش فيها ماعاد يعجبها اكلنا

مشاعل:لا بس كل ما اكلت الاقي شعر شكله من شنب الطباخ الجديد رفعت الي يساعد سمير

ابو مشعل:نغير هالطباخ انا عندي كم من مشاعل؟؟

ام سلطان:والله يامشاعل ياحبيبتي ماعمري لقيت شعر بعدين قطع الاعناق ولا قطع الارزاق
مشاعل:لا بس لو هو مهتم بنضافه الاكل كان ماطاح شعر

ام سلطان:ليه تبينه يربط شعره شنبه بحجاب مثلا؟؟

مشاعل:لا بس يحلقه او يخففه مو يطوله

ابو مشعل:خلاص فضوها سيره انا بلاقي حل

مشاعل:طيب انا استأذن بروح انام اليوم بروح لبنت عمي الجوهره مسويه حفله
------------------------------------------------
في بيت فهده

صالح:يمه خلي بنتس تصلح قهوه بيجي صديدزي

ام صالح:هالبنت طالعتن من شوري بلاها مالقت رجالن يشكمها

صالح:وش هالحاتسوه يمه وش صاير؟؟

ام صالح:تقول بروح للحفله مع صديقاتها ماخبرنا البني يطلعن مع صديقاتهن

صالح:يمه خليها تروح شوي العصر وترجع العشاء توسع صدرها بس عسى

البنات تعرفونهم

ام صالح:بقومها اقولها

فهده توها صاحيه:هلا صالح

صالح:يله البسي اوديتس عند صديقاتس

فهده:مو الحين الحفله

صالح:اجل اصلي المغرب واجي اخذتس

فهده:لا ياخوي الحفله ماتبدا الا بعد الساعه 11

صالح:افا تبيني اوديتيس 11 داقمن يدقمتس

ويفصخ عقاله ويمردغها لين علم ع ضهرها خطوط حمر

وراحت تصيح بغرفتها

ام صالح:حرام عليك عاد تكفر فيها

صالح:بد ابد هاذا البني لين انعطن وجه صارن فاهرات كثر الدلع اما هبل ولا خبل
-------------------------------------------------------
في الدي جي:

مشاعل:اهليييييييييييييييييييييييين جوجو كيفك من زمان عنك

الجوهره:هلا وغلا بميشوووو زوجه اخوي

مشاعل:اقول عاد يا الجوهره انتي عارفه اني اتضايق من هالكلام

الجوهره:حرام عليك والله تركي يحبك

مشاعل:اولا انتي عرفه اني ما احبه وثانيا هو كبري وانا ابي واحد اكبر مني وثالثا

انا اطول منه تبيني امشي معاه بالسوق وهذا طوله لاحبيبتي

الجوهره:بس خلاص اقلقتيني اذا سمعت كلامك اقول حرام اخوي ياخذها واذا شفته قلت

مسكين وارحمه اقرفتوني انتي وياه ادخلي بس ادخلي

وقبل لاتدخل دقت عليها نوهى

نوهى: انا دخلت انتي وينك

مشاعل:انا عند الباب بنتضرك

وسكرت
الجوهره:مين داق عليك

مشاعل:نوهى

ولا نوهى دخلت

وسلمت عليهم ودخلو كلهم داخل

و رقصوا وطق وهبال الا الساعه 7 الصباح

---------------------------------------------------------
طبعا الدي جي كان يوم الاربعاء

وفي يوم الخميس في بيت مشاعل

مشاعل كانت بغرفتها جالسه ع النت

وبالماسنجر

نوهى:تطلعي اليوم؟؟

مشاعل:ايه الوعد اليوم الساعه 7 اوكي

نوهى :اوكي

----------------------------------------------------------
صالح واخوياه كانوا بشارع البحري يفحطون عقولتهم ((هجوله))

طبعا بعد ماضرب اخته راح يوسع صدره لانه حس بالذنب

صالح:فيييييييييييييييييييييصل تعزز لي؟؟

فيصل:اوكي

طبعا صالح ... تابعو في الج الي بعدة

ياي ايلاف روعهه روايتيك
ابي اققرا مثلها

الجزء الرابع



طبعا صالح كان كاتب ع قزاز السياره من ورا لعيون مشاري

مشاري هذا ولد كان يحبه فيصل


عبدالله:ارووح انا ياعيني ع مشاري ياعيني يابخته والله

ههههههههههههههههههههههههههههههههه

صالح:ايه مايمديك
------------------------------------------------------------
وطلعوا نوهى ومشاعل يتمشون وراحوا للتحليه وكانوا طالعين بسياره مشاعل

وطبعا السياره مو مضلله وكان معاهم لكزس430 لون عنابي ومن جوا بيج

نوهى ه:ميشووو لاتصيري بخيله اعزميني ع كوفي

مشاعل:اوكي بس لاتتميلحين لان غسان طالع اخاف يشوفني تعرفين انه يغار علي

نوهى:طيب وعبدالله؟؟ ومحمد؟؟وفهد؟؟؟

مشاعل:ياقدمك سحبت عليهم من زمااااااااااااااااان اف مليت منهم

نوهى:مو كنتي تحبين فهد؟؟

مشاعل:ايه كنت وكنت من الماضي كرهته لانه طول شعره وانا ما احب الولد

الي يطول شعره

نوهى:طيب وانا ابي لي كم من واحد معاد عندي الا النشبه بدر ونواف الملحط

تعرفين مخليته ع شان بيسوي لي موقع

مشاعل فتحت الشباك لانهم وصلوا عند صدى التحليه:اكسيوزمي

الفلبيني:يس ميم

مشاعل:كان اي اوردر؟؟

الفلبيني:اوفكورس

مشاعل:تو اسبريسو ويذ اوت شوقر

الفلبيني:اوكي

وسكرو الشباك

ومر واحد معاه جيب بورش والولد مره كيوت وكاش ومعاه عبد جنبه

نوهى طارت عيونها وقالت : ميشو ميشو شفتي الي شفته

مشاعل:لا وش فيه؟؟

نوهى :واحد مره كيوت ومعاه كااين

مشاعل:ايه عادي وش الغريب تلقاني قد كلمته احس اني شطبت ع كل الي معاهم كااين

ههههههههههههههههههههههه

نوهى:شوفي ياشر بموبايله ايش رايك افتح البلوتوث

مشاعل: افتحيه واحنا ورانا شي

ساره تاشر للولد علشان يرسل لها

وفجاءه جاها مسج من الوسيم الي جنبهم وفتحته ولقته كاتب:

اقول ياقمر تراني ابغا الي جنبك وانتي كانك تبين الي جنبي تراه في الخدمه

نوهى:شوفي الحيوان ايش كاتب وتقرا لمشاعل

مشاعل ميته ضحك:ههههههههههههه الحين اكلمه واوريك فيه

ويجيهم الطلب

الفلبيني:اوبن ذا ويندو

مشاعل:هاو متش

الفلبيني:22

مشاعل:ثنكس

وكانوا يشربون ولما وقفو عند الاشاره دق موبايل مشاعل

مشاعل:الووو

غسان: خير انشالله

مشاعل: اهلين

غسان: التفتي يمينك

مشاعل توهقت : ليش

غسان : ليش خايفه التفتي

مشاعل: ليش اخاف انا مو مسويه شي

ولما التفتت مثل ماتوقعت لقت غسانوه واقف جنبها

غسان: ممكن اعرف مين صاحب الكاين الي كان جنبكم

مشاعل: لا والله وانا بسال اي واحد طالع مين انت؟؟

غسان: ايه بس مو اي واحد يطلع ويوقف جنبكم تاكلونه بعيونكم والا لا

مشاعل: ايش قصدك؟؟

غسان: شكلي انا مامليت عينك علشان كذا بنسحب بهدوء وخلي الكلاب الي وراك ينفعوك

مشاعل: انت كذا دايما شكاك بس الشرهه مو عليك الشرهه على الي تكلمك لانك

ماتستاهل

غسان: اوكي مابي اشوف رقمك

مشاعل: انقلع اصلا انا حاذفه رقمك قبل لاتقول

غسان: هذا العشم فيك يالمتربيه

مشاعل: متربيه غصب عليك

غسان : اذا متربيه ارجعي للبيت الحين

مشاعل: اقول انقلع ولا تدق لاني من زمان ابي اسحب عليك بس مالقيت سبب

غسان: حقيره

مشاعل: بااااي ياغبي

نوهى: يؤؤؤ اعصابك كلتي الولد

مشاعل : على باله بيصيطر علي مسكين ينقلع

نوهى : حرام الولد يحبك

مشاعل: حبته القراده ويا وجهه الابرص مسكين حتى شنب مايطلع له

نوهى: ليش تكلمينه طيب وهو مو عاجبك

مشاعل: يعني رزه قدام صاحباتي تعرفين هو ولد مين

ساره: ههههههههههههه مجنونه

وبعد المواكب والهبال قرروا اخيرا يرجعون للبيت

والساعه 11 وصلت مشاعل ساره لبيتها

وفي طريق الرجعه للبيت دخلت الحاره الي توديها للبيت وفجاءه


تابعو في الجزء الخامي

الجزء الخامص

سياره تحدهم ويضطر السواق انه يوقف السياره وللاسف تكتشف ان السياره الي حدتها
سياره غسان

وعرفت انها طاحت في ورطه وقالت للسواق ارجع بسرعه وحاول يرجع بس للاسف فيه جمس ساد عليهم

وباين انها راحت فيها!!!!

المهم نزل غسانوه ووقف عند شباكها ويقول لها انها تفتح الشباك

وهي مارضت خافت يسوي شي مجنون

غسان: قسم بالله اذا مافتحتي الشباك بكسره

مشاعل: ماراح افتحه

بس قررت انها اخر شي تفتح جزء من الشباك وتسمع ايش يبي

غسان: ممكن تنزلي من السياره ابيك بموضوع

مشاعل: انت اكيد مجنون ماراح انزل ممكن اعرف ايش تبي الي بينا انتهى

غسان : لابس ابي اعلمك من الغبي ابي اعرف انتي قد هالكلمه او لا؟؟

مشاعل: انت غبي وحقير وتافهه وانا قد الكلام كله وانت ماتخوفني

غسان : ليش ماتعرفي انا ولد مين

مشاعل: ههههههه ماتهمني

السواق: ياعمه اتصل على العم ابو مشعل او على الشرطه اشوف الجمس يطلع منه 3 شباب

مشاعل: لالا انا بحل مشكلتي لاتتدخل

السواق : بس ياعمه انتي امانه عندي واخاف يصير شي وانا ماراح اقدر على 4

مشاعل: انطم الحين

غسان: تعالي حلي مشاكلك بسيارتي وابي اعلمك شلون تحترمي الناس

مشاعل: اوكي انا بتصل بالشرطه

غساان : هههههههههههههههههههههههههه اتصلي وانتي الخسرانه لانك لو اتصلتي ابوك

راح يعرف اي بنت هو واثق فيها ههههههه مسكينه ياميشو

مشاعل بدت تنهار وبدت تصارخ وتستنجد باي احد بس الناس كلهم في بيوتهم ومحد حاس
بهم ميشو

وفجاءه تجمعوا الشباب على الشباك وبدوا يضحكون ويقولون كلام بذي لها وحست انها اكيد
اكيد ماارح تنجو وزاد الضرب على الشباك لحد ماانكسر شباك السواق وفتحوا الباب
واخيرا غسان وصل لميشو ونزلها من السياره

ابتدى يسحب مشاعل للشارع ويحاول يركبها سيارته ووقتها

السواق كان في صراع مع الشباب وبدت مشاعل تفقد الامل لاي نجاه وبدت ترضخ للامر

الواقع بس اتفاجاءت ان يد غسان ابتدت ترتخي وماصارت تشد عليها بالعكس غسان ترك

يدها وكانه اخيرا ندم على كل الي سواه التفتت مشاعل له ولقته يطالعها باحتقار

مشاعل: اخيرا تذكرت ان عندك قلب؟؟ او انك بديت تخاف؟؟ او يمكن عندك امل اني ارجع
لك

غسان: مين قال اني افكر ارجع لك لانك ولا شي بالنسبه لي كنت اتسلى معاك انتي شكلك
ماعرفتيني للحين

مشاعل: طيب ممكن نتعرف

غسان: صدقيني انا بحياتي ماخدعني احد ولافكر حتى لاني اعرف انك واطيه من زمان
بس حبيت اتسلى معاك

مشاعل: اها وليش كنت بتركبني سيارتك علشان تقول هالكلمتين؟؟ كان قلتها وانا بسيارتي
لاني تعبانه ومالي خلق امشي

غسان: انتي احقر من ماتخيلت لا تفكري انك قويه لانك من شوي كنتي حتنهاري وصدقيني

انا مو من عادتي اضر اي شخص علشان ماحب ادخل في متاهات بس انا حبيت اعلمك ايش

غسان يقدر يسوي وتركتك انا بكيفي لاني ماتنزل حتى اضر وحده واطيه مثلك

مشاعل: اها طيب ليه المسلسل الي سويته هذى

غسان: علشان اثبت لك اني اقوى منك وانك ضعيفه واقدر اسوي فيك الي ابي بس للاسف

ياميشو اني انا مابيك ولا تهميني علشان كذا انقلعي من وجهي ومره ثانيه اعرفي مين تتحدي
اوكي ياقمر

مشاعل امتلت عيونها دموع وحست بالاهانه وقررت تنسحب قبل لايغير رايه

غسان: لا مو قبل ماتقولي اسفه عمي غسان

مشاعل :تحلم

غساان:ماعندي مشكله اني ......



تابعو في الجزء السابع

الجزء الســـادس


اقضي الليل معاك لما تقوليها ,ماله داعي ابوك يسال عنك

بالشرطه ويدري انك مع خويك ههههههههه

مشاعل: عادي اصلا ابوي ماراح يفقدني لانه مو فاضي لي وانت عارف هالشي

غسان: يعني ماتأدبتي للحين

مشاعل: انا متأدبه قبل اشوفك

غسان: اوكي بصراحه مليت من سوالفك التافهه يله ابعدي عن سيارتي بروح بس قبل اروح

بعطيك خيارين واتمنى انك تكوني انسانه واعيه علشان تعرفي ايش تختاري

مشاعل: تفضل يافيلسوف زمانك, وياليت تغششني

غسان: ياتقولي اسفه وهذا الحل الي انصحك فيه لانك بعدها راح ترتاحي مني والحل الثاني

والي ماانصحك فيه انك تنقلعي من وجهي بس المشكله انك بتلقيني بكل مكان تروحي له

وماراح اخليك وراح ادمر حياتك ببطء وجربي وتعرفين زين اني قد كلمتي

مشاعل: اتوقع اني اختار الحل الثاني بس اذا بدمر حياتي ببطء لاتنسى تبطء الشريط ههههه

غسان : كل هذا غرور ماتبي تقولي اسفه ومستعده تدمري حياتك بس ماتمسي كرامتك

مشاعل: اسمع انا ابوي وهو اغلى شخص بحياتي مهما حصل مااعتذر منه حتى لو انا

غلطانه تجي انت تبيني اعتذر لا ماارح تسمعها لو فيها موتي

غسان: اوكي تحملي مايجيك

مشاعل: خلصت امشي والا فيه شي ثاني

غسان انجن من برودها وكانه بيطلع يعزمها على مطعم والا كوفي مو بيخطفها عرف ان

البنت هذي مفقود منها الامل وقرر ينفذ خطته في انه يحطمها

غسان: شباب مشينا

مشاعل ماقدرت تتحمل الاهانه مافيه احد قدر يهينها وتسكت له لازم اوقفه عند حده بس

مابي ادخل معاه في متااهات خليه يروح وكويس اني لوحدي لو كانت معاي اي وحده من

صاحباتي كانت (فضيحتي بقلاقل)

رجعت مشاعل لسيارتها بهدوء والسواق ركب

السواق: عمه ايش القصه كان لازم ندق على عمي ابو مشعل

مشاعل: اصحى تقول اي كلمه لاي شخص فاهم اذا تبي وظيفتك

السواق: ابشري طال عمرك بس اذا سالوني عن الشباك المكسور ايش اقول لهم

مشاعل: قول لهم انك ماتعرف مين , كنت بعيد عن السياره ولما رجعت لقيته مكسور

السواق : ابشري طال عمرك, بس..
.
مشاعل : خلاص

وطلعت مشاعل فلوس واعطتها للسواق

مشاعل: هذي قيمه سكوتك واصحى احد يعرف لان وقتها مو بس راح تخسر وظيفتك

راح تخسر كمان البنك المتنقل الي معاك , فهمت ايش قاعده اقول لك؟؟؟

السواق : ابشري وماارح يصير الى الي تقولي عليه

تابعو في الجزء السابع

خطيره ايلاف ان شاء الله انتي اللي مسويتها

يلا كملي عسا مو من النت يلا مو مشكله بس مشكوورة

يلا كمليي الجزء اللي بعدو ننتظره ^.^

مشكورة بس نبي تكملين تحمست ايش بيصير لهم
صحيح الاسم مو نوهى نهى ياايلاف انتبهي لاتغلطين بالأملاء هاه ههههه
[i][center]

الجزء السابع شقرا ع الرددود شذى واروى


واخيرا مشاعل وصلت للبيت وكانت تعبانه ومرهقه من الي صار وتتمنى ان بكره يكون

احسن من هاليوم المشؤوم.

دخلت للبيت والحمدلله ماكان احد ينتظرها كالعاده كل شخص بغرفته

وصلت غرفتها الي هي جناح منفصل تتكون من غرفتين غرفه جلوس علشان لما تتجمع

الشله والغرفه الثانيه هي غرفه نومها

دخلت الغرفه ولبست البيجاما وازالت اثار الميك اب وانسدحت على السرير ورفعت عيونها

للسماء فكرت وفكرت في غسان المغرور المجنون الي ابد ابد ماتوقعت منه هالتصرف

الطفولي وظلت تكلم نفسها بصمت في حوار بينها وبين نفسها

انا ليش اقضي حياتي بهالحاله ليش مااستقر بحياتي ليش انا متهوره ليش ماالتقى بشخص

يحبني واحبه واكون مخلصه له وهو مخلص لي مثل كل صاحباتي

رد عليها صوت شخصيتها الشريره لا العيب مو مني العيب من الشباب الي تعرفت عليهم

ولا واحد كان يحبني

رد عليها صوت شخصيتها الطيبه والواقعيه وقال: لا يامشاعل غسان كان يحبك وانتي الي

خنتيه وانتي الي كنتي غير مباليه معاه تستاهلي كل الي سواه فيك

بس رد صوت الشر: لالا هو الي بدا وهو اصلا مافيه مواصفاه الرجل الي تتمنيه

رد صوت الطيبه والعقل : اذا انتي عارفه انه مو الشخص المناسب ليش استمريتي معاه

تسليه؟؟؟ لعب؟؟؟ مضيعه وقت؟؟؟ وغيره وغيره هشام وعبدالله ومحمد و....... كل هذول

ولا واحد رجل بعينك ؟؟؟؟؟ مشاعل لازم تغيرين طريقة حياتك وتفكيرك علشان تكوني
سعيده

وظلت في حوار بين قلبها وعقلها والشر والطيبه مو قادره تفهم نفسها او تحدد شخصيته
ا
بس الاكيد انها انسانه ماتقدر تتنازل عن رغباتها مهما كانت وهذا جانب الشر فيها بس
تندم
على كل شي تسويه وتبدا تأنب نفسها كل ليله وهذا اكيد يدل على جانب الطيبه في
شخصيتها

لان الانسان الي مايندم اكيد يكون الشر محى كل اثر طيبه بشخصيته

وبعد تعب اليوم والحوار الي تقضيه كل يوم مع نفسها اخيرا استسلمت للنوم

=====================================
الساعه 3 بالفجر في بيت نهى كانت السهره عند ساره باولها ولسى مابدت حتى
\
نهى: يالله ادق والا ماادق ؟؟؟ اخاف ادق ويقول ابي اكلم الي جنبك , امممم اكلم وامري

لله, مو شسوي الولد مررره يجنن لازم اكلمه مو قادره يدي تحكني, يالله اكلمه واذا قال
انتي
مين اقول انا ميشو واكيد ميشو ماراح تزعل

مسكت نهى الموبايل وبدت تدور في المسجات عن رقم الولد صاحب الكاين

نهى: يالله بعد رقمه حلو شكل الولد كااش ادق بس وامري لله

نهى دقت الرقم وانتظرت احد يرد بس للاسف ماارد

نهى: يالله اكيد نايم , لايكون ازعجته بس , مو مشكله اكيد بكره المغرب بيكون صاحي

وتذكرت نهى خويها بدر

نهى : يالله اليوم ماكلمته اكيد زعلان بدق عليه اراضيه افف الله يعيني عليهم واخذت


تابعو في الجزء الثامن اذا رديتو


لو تبوني اكمل ابي ردود ولا موب رادة


وشقرا يا اروى علا التصحيح املائي دقيقة

ويــــن الردوود

الجزء الثامن


كلمته اكيد زعلان بدق عليه اراضيه افف الله يعيني عليهم واخذت

الموبايل ودقت على خويها بدر

نهى : الو

بدر: نعم

نهى: ادري انك زعلان ومعصب بس اسمعني اول واحكم

بدر : ماخلصت اعذارك انا مليت من كثر مااسمع. ريم (طبعا هي ماقالت له ان اسمها

نهى) اذا ماتبيني قولي لي؟؟

نهى ه: هذي اخرتها كل هالحب وماابيك الله يسامحك

بدر : نفسي اصدقك ريمو بس انتي يوم تدقين وعشره تختفي وين الحب الي تتكلمي عنه

نهى : هذا جزاي اليوم تقدم لي واحد ورفضته علشان كذا ماما اخذت موبايلي وقالت لي
اكيد

انك تعرفي واحد , والا ليش رفضتي الرجال اكيد انك تكلمي واحد, وانحطيت بمشكله ماعرف

كيف اطلع منها كل هذا علشانك , علشان مانبعد عن بعض واخرتها تقول اني ماحبك ,\
ماتوقعتها
منك

بدر : نهو ي كل هذا علشاني ,

نهى: بعد ايش

بدر : طيب وكيف امك رجعت موبايلك
نهى: تعبت ووديني للمستشفى ولما شافت امي اني تعبانه وطول اليوم ابكي , حنت علي
ورجعته لي بس قالت بشرط انك تفكري بموضوع الرجال الي تقدم لك

بدر: لا نهو

ساره: بس خلاص مو كل مادقيت عليك تكون زعلان اعرف اني مااانقطع عنك

الا اكيد لسبب قوي و ... لحظه (ساره سمعت خط بالانتظار وتخيلوا من دق ؟؟؟ دق صاحب
الكاين)
نهى: اقول اقول باي الحين ماما دخلت

بدر: باي طمنيني علــ ..... طوط طوط طوط

نهى: الو

صاحب الكاين: صباح الخير

نهى بكل نعومه: صباح النور

صاحب الكاين: اختي انتي طلبتيني قبل عشر دقايق

نهى: ايه
: مين معاي
نهى: ماعرفتني؟؟

: لاوالله ممكن تعرفي بنفسك

ساره: اليوم ما شفت بنت معها لكزز

: اهلين هلا والله وغلا , هلا بالقمر, هلا بالحوريه , هلا بقمر الدنيا كلها , هلا بالي عيوني
ماشافت بحلاها ولا راح تشوف

نهى ه انقهرت عرفت انه يحسبها مشاعل

نهى ه: هلا فيك بس انت ماتعرف انا اي وحده ؟؟
؟
: انتي الي ورا السواق انا قلت للثانيه اني ابيك, لايكون مو انتي؟؟؟

نهت : ليش فيه فرق؟؟؟

: اكيد انا شفت الي ورا السواق وابيها لو سمحتي ممكن تقولي انتي مين

نهى: انا الي ورا السواق , بس يعني بسال لو دقت الثانيه يعني ماراح تكلمها؟؟

: لا , لان الي يشوفك مايفكر باي بنت ثانيه

نهى حقدت عليه: حلو , طيب ماتعرفت عليك

: معك احمد

نهى: عاشت الاسامي
احمد: عاشت ايامك , وانا بايش ممكن اناديك, عادي لو ماتبي تقولي لي اسمك الحقيقي

عطيني اسمك الفني

نهى : لالا انا مو من عادتي الكذب , بعدين هذا اسم يعني ايش راح يصير لو قلت لك اس


تبون اكمل ردو ابي اكثر من رد

تابعونا في الجزء التاسع

الجزء التاسع

احمد: ماراح يصير شي بس فيه بنات متحفظات مايحبوا الشباب يعرفوا عنهم اي شي

نهى: لا انا عادي, اسمي ريم

احمد: الله , ريم , وانتي صدق ريم اسم على مسمى عاشت الاسامي ياحلى ريم

نهى : ههههههه تسلم احرجتني

وظلوا يسولفوا لحد الساعه 9 الصباح واحمد مسكين على باله الي يكلمها مشاعل وهي

مسكينه تسمع انواع كلام المدح وتدرى انها لصاحبتها قهر ولاتقدر تحكي ولاتقول

شي لانها لو اعترفت راح يقفل الخط
================================================== ====
يوك الجمعه الساعه 10 في بيت ام مشعل(بيت زوجه ابو مشاعل الاولى)

ام مشعل تضرب على الباب باقوى حيلها: مشعلوه ووجع قوم الصلاه

مشعل: يمه خلاص روحي تونا على الصلاه حرام عليك مانمت الا 7 الصباح صحيني 11

ام مشعل: كم صل ورح المسجد في

الخطبه وتصلي الجمعه قوم ذبحتني

مشعل: يمه تكفين روحي لسعود تكفين

ام مشعل: ذبحتوني ياليت كنتوا بنات لاحول ولاقوه الا بالله

ام مشعل راحت لغرفتها تجيب كرسي وحطته عند باب غرفه سعود لان سعود يبي له علشان

يصحى ساعه من الصراخ علشان بس يستوعب

ام مشعل: سعود قوم الساعه 11 ونص يالله تاخرت على الصلاه, قوم يمه ذبحتني , سعود ,

ســـعــــووووود وش ذا

سعود: يمه روحي صحي مشعل بعدين تعالي صحيني

ام مشعل : ياربيه انا مليت منكم بروح لابوكم هو يصحيكم ذبحتوني

ونزلت وهي معصبه من عيالها راحت للصاله علشان تدق على ابو مشعل يجي يصحي عياله

لانهم يخافوا منه ولقت بالصاله مشاعل

ام مشعل: صباح الخير حبيبتي ماشالله صاحيه الصباح ليت عيالي زيتس

مشاعل: هلا خالتي ام مشعل , شخبارك

ام مشعل: الحمدلله يابنتي انتي الي شلونك وجهك مو عاجبني كنك مانمتي زين

مشاعل خافت انها تحس بشي وخاصه ان شباك السياره مكسور يمكن تقول لابوها شي

وفكرت تلحق نفسها قبل تنفظح لان عادتها دايما محد يقدر يمسك عليها شي

مشاعل: ابد ياخالتي بس متضايقه شوي

ام مشعل: ياحبيبتي مين الي مضايقك اكيد العقرب ام سلطان

مشاعل فكرت انها تلزق الموضوع بام سلطان خاصه انها تكرهها بس خافت تصير مشكله
كبيره توصل لابوها بعدين تتوهق وتنفضح

مشاعل: لالا ياخالتي انتي عارفه ام سلطان ماتحبني ومنيتها اني اطلع من بيتها اليوم قبل
بكره, بس الموضوع اللي مضايقني ما يخص ام سلطان

ام مشعل: من قال انه بيتها هذا بيتك ياحبيبتي انتي الداخله وهي الطالعه , وبعدين وش الي

حادك تتحمليها تعالي عندي والله لخلي عين فراش لك وعين لحاف تعرفين اني احبك

واعتبرك بنتي الي ماجبتها

مشاعل تحب ام مشعل لانها حنونه عليها وتحبها واذا حست بضيق تلجأ لها وخاصه انهم

يشتركون بشي وهو كرههم لام سلطان واسبابهم وجيهه مشاعل تكرهها لانها تعاملها باسلوب

ينرفز وتتعنى تهينها قدام الناس وقدام اخوانها بس عند ابوها تلبس ثوب الطيبه اما ام مشعل
فهي تكره ام سلطان لانها جارتها او مثل مايقولون المصريين ضرتها وهذا غير ان ام
سلطان نمامه وكذابه ومنافقه ومغروره

مشاعل: الله يسلمك ياخالتي , بس انتي عارفه اني مابي اضايقكم لان سلمان عايش عندكم

وانا مابي اربطه واخليه ماياخذ راحته فيه البيت

(سلمان هو ولد اخت ام مشعل وساكن عندهم علشان الجامعه لان اهله مو ساكنين بنفس

المدينه الي يدرس فيها فقرر انه يسكن عند خالته وايام الاجازات يرجع لاهله)

ام مشعل: ياحبيبتي ماودي اضغط عليك, بس ماقلتي لي ايش الي مضايقك

مشاعل بدت تسوي نفسها متضايقه وحزينه : ااااه ياخالتي , لالا ماودي اضايقك

ام مشعل: والله تقولي ماراح تطلعي من عندي الا انتي قايله ايش فيك

مشاعل: بس ياليتك ماحلفتي, ابد خالتي امس كنت طالعه للسوق واشتريت اغراض كثيره

واتصلت على السواق يجي علشان يشيل عني الاكياس لاني ماقدر اشيلها كلها ولما طلعنا

تفاجاءت لقيت شباك السواق مكسور تخيلي ياخالتي

ام مشعل: يالله مين اللي كسره

مشاعل: مدري ياخالتي اكيد حرامي

ام مشعل: السياره والشباك فدوه لعيونك تتضايق القمر علشان شباك اليوم اقول لابو مشعل

يكلم الوكاله يصلحوها لك ولاتزعلي

مشاعل حست ان السالفه تافهه وماراح تمشي على ابوها واكيد بيسالها فحبت تكبر السالفه
شوي
مشاعل: بس ياخالتي المشكله مو في الشباك , المشكله الي كسر الشباك كان شايف الساعه

الي اهداني بابا في عيد ميلادي علشان كذا كسر الشباك , اكيد حرامي حيكسر الشباك ليه

اكيد علشان يسرق , وهو كسر شباك السواق وفتح الباب واخذ الساعه

ام مشعل: الله ياخذه ويشل يده , لاتضيقي صدرك انشالله ابو مشعل يعوضك عنها ولا تزعلي

مشاعل: ايه بس هذي هديه من اغلى انسان بحياتي , لو انا الي انسرقت اهون , بس يسرق

اعز ساعه من جد قهر , ماتعرفي ياخالتي قد ايش الساعه هذي مهمه بالنسبه لي

ام مشعل: بسم الله عليك ياحبيبتي , الساعه بعدها مليون ساعه , بس مشاعل حبيبتي وحده

مشاعل: بس انا خايفه بابا يزعل ويعصب علشان الشباك, خالتي بليز كلميه

ام مشعل: لاتشيلي هم ابوك ماراح يفتح السالفه معك خليه لي انا اتفاهم معاه

قامت مشاعل وضمت ام مشعل وحبه راسها -وتمت السالفة بدون لاتنفظح-

مشاعل: شكرا ياخالتي الله لايحرمني منك

ام مشعل : ولا منك ياحبيبتي , مابي اشوف هم ولا ضيقه فيه صدرك وانا موجوده

مشاعل هنا حسه بتانيب الضمير كله حياتي كذب في كذب حتى الناس الي يحبوها ويخافوا

عليها تكذب عليهم , لو اكتشفت ام مشعل انها تكذب اكيد ماراح تسامحها وراح تخسر كل شي
ام مشعل: يالله هالاولاد للحين ماصحوا ذبحوني من 10 وانا اصحي فيهم , يابذبحهم
يابيذبحوني
مشاعل: هههههههه لالا انشالله بعد عمر طويل انا الي بذبحك من كثر ماحبك راح اكلك

ام مشعل : ههههههههههههههههههههه

مشاعل : خالتي روحي ارتاحي والدلافين عيالك خليهم علي انا اصحيهم

ام مشعل: الله لايحرمني منك

مشاعل : ولا منك يارب

مشاعل طلعت فوق علشان تصحي اخوانها


اخوها مشعل عمره 32 ومو راضي يتزوج لانه مايبي يفقد حريته

اما سعود فهو كبرها ومسكين يحب وحده (الهنوف) ومايقدر يتزوجها لان اخوه الكبير

ماتزوج وابوه حالف انه مايزوجه الا بعد مشعل وهو مسكين مظطر انه ينتظر اخوه لحد

ماتنفك عقده الحريه الي عنده

مشاعل راحت لغرفه مشعل وطقت الباب بعنف كعادتها

مشعل: يمه خلاص صحيت, تفضلي

مشاعل: هلا

مشعل: هلا ميشو, وينك يادبا امس اتصلت عليك كنت بعزمك على العشاء

مشاعل: ليش انا مو معودتك تاخذ موعد قبل

مشعل: ههههههه مادريت ياطويله العمر

مشاعل: هههههههههههههههههههه , يالله بسرعه البس علشان تفطر لان خالتي معصبه

مشعل: عادي مو غريب انها تعصب كل جمعه نفس الموال من 10 وهي تصحيني وتهدد

بتفوتكم الخطبه ولما تجي 11 تقول بتفوتكم الصلاه ولما ننزل تقول لاتروحوا خلاص اذن

العصر والساعه ماجت 11 وربع هههههههههههههههههه

مشاعل: ههههههههههههههههههههه , المهم يادب بروح اصحي روميو (سعود)

مشعل: يالله انا دقايق وانزل

راحت مشاعل لغرفه سعود وشكل الولد في سابع نومه الانوار مسكره والغرفه ثلج

وفي هالحاله مشاعل علشان تصحي سعود مالها الا 3 طرق علشان يصحي

بدت بالطريقه الاولى وهي تسكر المكيف بس للاسف الولد ماحس

الطريقه الثانيه الصراخ بس لاحياة لمن تنادي

واخر طريقه وهو الحل الي متعوده تعامل به خيشه النوم سعود وجابت مويه في كاااس

وكبتها على وجهه

مسكين سعود قام مفجوع

سعود: بسم الله

ولما فتح عيونه لقى مشاعل بوجهه

سعود : يازفته وش هالحركات البايخه صدق انك بزر برااااا

مشاعل: ماراح اطلع لحد ماتصحى وعلى فكره ترى معاي جيك مويه

سعود : شوفي انا بعطيك فرصه 3 ثواني بعدها بتصرف تصرف ثاني

مشاعل: ولابيهمني ابد منهم ايه يعني اكون بزره بعينهم

سعود: برااااااااااااااااااااااااااااااااااااا

مشاعل: نو وبالعربي لا وبالهندي نهي واذا تبي بلغات ثانيه قول لي

سعود: والله اذا قمت راح تندمي

مشاعل: انا ابي اندم

سعود قام من سريره باسرع من ماتصوره مشاعل وراحت تركض لغرفه مشعل لانها اقرب

مكان علشان تتخبى من غارات سعود الارضيه بس للاسف مشعل كان يلبس وهو من عادته

يقفل غرفته اذا كان يلبس , والتفتت مشاعل تبي تلحق تنزل تحت بس سعود كان اسرع منها

مشاعل: مشعل ,خالتي الحقوووووووووووووووني

سعود: الحين الحقوني

ومسكها مع شعرها وبدا يشدها لحد مازاد صراخها ومشاعل مثل كل البنات اذا دخلت حرب

دمويه طلعت مخالبها وبدت تغرس اظافرها في يدينه وحست انها قاعده تشيل لحم معها

واخيرا طلع مشعل وانقذ الموقف بس مافكهم الا وسعود اخذ ذكرى معه من شعر مشاعل

وهو صراحه شعرتين او ثلاث وهذي كارثه لان مشاعل راح تسوي مناحه بالبيت لانه قطع

شعرتين منها كيف راح تواجه العالم بعدها

اما مشاعل فكانت الذكرى الي خذتها من سعود شويه لحم على دم من يدينه لانها كانت تغرز
اظافرها وتسحب اللي تقدر عليه

بصراحه كان المصاب في هالمعركه هو سعود لانه كان يتوقع انه يتعامل مع انثى وكان

يضربها بحنيه لانه ماتوقع انها قطه شرسه

مشاعل: مشعل شوف الحقير قطع شعري

مشعل: لاتكبري الموضوع كلها شعرتين

سعود: والله لاقول للهنوف انك شوهتيني شوفي يدي بروح للمستشفى يخيطونها


مشعل: هههههههههههههه لالا روح توضى علشان تصلي الجمعه وادعي عليها يمكن الله

يقبل بيوم الجمعه

مشااعل: بعد توقف معاه طيب اذا كلمتكم مره ثانيه انا حماره

مشعل: هههههههههههههههه

سعود: والله لاخلي هنوف تاكلك طيب انا اوريك
===========================
طلعت مشاعل من بيت ام مشعل وتوجهت لبيت ام سلطان الي هو بيتها

ولقت مثل كل جمعه ام سلطان وسلطان وفهد وامهم تبخرهم علشان صلاه الجمعه

سلطان بالمدرسه وعمره 15 اما فهد فعمره 9 سنوات

مشاعل: صباح الخير

سلطان وفهد: صباح الخير

مشاعل: يالله فهد ليش ماد بوزك كل هذا علشان مانمت كويس؟؟

فهد: لا انا زعلان من بابا

مشاعل : ليش حبيبي

فهد: وعدني امس يوديني للملاهي وماوداني

مشاعل: بس كذا انا اوديك كم عندي من فوفو

ام سلطان: مشاعل اظن اني قلت لك وفهمتك قبل ان ولدي اسمه فهد مو فوفو واذا تبي تدلعيه
قولي له فهودي لان هذا دلعه مو فوفو

مشاعل: فوفو حبيبي جهز نفسك اليوم انشالله نروح اوكي حبيبي

ام سلطان: فهد اليوم مافيه طلعه , اليوم تذاكر علشان بكره عندك مدرسه

فهد: يوووووه مابي اذاكر مابي

مشاعل: حبيبي ولا يهمك بنطلع اليوم يعني بنطلع

ام سلطان تطالع مشاعل بنظره تحدي: فكري بس انك تطلعيه وشوفي ايش حيصير

فهد بدت الدموع تنزل من عينه وحس بحزن

مشاعل: لالا فوفو دموع لا انا قلت راح نطلع يعني راح نطلع وانا عمري ماوعدتك بشي الا
اسويه

ام سلطان: افهم انك تتحديني ؟؟؟

مشاعل: خالتي تعالي شوي ابيك

ام سلطان: تكلمي هنا مابينا اسرار

مشاعل: موضوع مابي اقوله عند اخواني

راحت ام سلطان للغرفه الي اشرت عليه مشاعل

مشاعل: خالتي انا مااتحداك واذا انتي قلتي ماراح نروح يعني اكيد ماراح نروح انتي امه
واعرف بمصلحته بس ياخالتي لاتخليه يبكي انتظري لما يرجع من الصلاه وبعدين نقول له
اننا دقينا مثلا على الملاهي وقالوا انها ماتفتح الجمعه او اي عذر بس حرام لاتكسري فرحته

ام سلطان: انا ماربيت ولدي على الكذب

مشاعل: هذا مو كذب بعدين هذا طفل جاريه

ام سلطان : اوكي بس هذي اخر مره اسمح لك تتقربي او تتدخلي بعيالي ولاتتوقعي انك كذا
راح تكسبيني بصفك لا حبيبتي

مشاعل ابتسمت لام سلطان ماودها تدخل معها في مشاكل

مشاعل تكلم نفسها"طيب طيب انا اوريك اذا ماوديته للملاهي اليوم ماكون مشاعل , على

بالها مشت كلمتها علي مسكينه ماعرفتني للحين اذا ماخليتك انتي تقولي يامشاعل ودي ولدي

لو سمحتي للملاهي اليوم ماكون ميشو ههههههههه"

طلعت مشاعل غرفتها بعد ماتوضت علشان تصلي فتحت موبايلها لقت 27 مسد كول

مشاعل: يالله مين هالي ماعنده ذوق متصل الصباح لا ويوم الجمعه

8 من راكان

5 من فهده

1 رقم غريب

13 من عبدالمجيد

مشاعل: فهده حبيبتي صاحيه الحين ادق عليها بعد ماصلي انشالله
وبعد الصلاه
اروى رجعنا لفهدة =)

مشاعل: الو

فهده وصوتها مبحوح من كثر الصياح: هلا ميشو

مشاعل: فهده ايش فيه صوتك ؟؟ انتي تبكي؟؟؟

وبدت فهده تسترجع الي صار لها من اخوها وبدت تبكي

مشاعل: الو .... فهده... حبيبتي ايش فيك؟؟؟ ... ليش تبكي؟؟؟؟

فهده بدى صوتها يعلى وبدت تصيح باعلى صوت

مشاعل: فهده اهدي حبيبتي .... علشان خاطري .... فهده ... الو ... اذا لي خاطر اهدي

فهده: اكيد لك خاطر بس انا ولا شي بالنسبه لك

مشاعل: ليش تقولي هالكلام فهده ايش سويت؟؟؟

فهده: ماجيت الاربعاء للحفله ولا وحده منكم فكرت تدق تسال... ومو بس كذا امس ولاوحده

كلفت نفسها تطمن واخر شي انا الي ادق ادوركم ... وانا الي كنت اعتبركم اكثر من
اخوات

مشاعل انحرجت من كلام فهده لانها نستها وانشغلت بغسانوه : حبيبتي وربي صار لي مشكله

مره كبيره ومو قصدي اني مافكرت فيك .. صد..

فهده قاطعتها: ميشو ميشو على بالك ماعرف تصريفاتك الي تسويها مع الشباب انا خابزتك

وعاجنتك زين وادري اني مااهمك بس صراحه كنت اتوقع لي مكانه عندك وعند نهو\

اظاهر انا فارضه نفسي عليكم

مشاعل: انتي معصبه الحين ولما تهدي بكلمك لانك ماراح تفهمي الموضوع كويس والانسان

وهو معصب مايقدر يستوعب الا الكلام الي هو مقتنع فيه

فهده: ميشو انا مو غسان والا راكان والا اي واحد تعرفيه انا فهده اعرفك كويس عموما انا
متصله اقول لكم شكرا وماقصرتوا تامرين شي

مشاعل: سلامتك

فهده: حتى ماكلفتي نفسك تعتذري

مشاعل: انا ماسويت شي غلط علشان اعتذر وانتي عارفه اني ماعتذر لاحد . واعتقد انك

تابعو في الجزء العاشر

للمعلومة ما اكمل الى لين اقى رد